لو حلفت لك من إنهاردة لحد يوم الخميس الجاي مش هاتصدقني..
ممكن يكون ليك حق ماتصدقش ..
لأن الحكاية صعبة قوي والحلقة مقفولة على الأخر ومفيش أي أمل باين وكل المحاولات كمان بتنتهي بالفشل
حتى قبل ماتبدأ فيها ..
والله العظيم لازم تصدقني وتكون كمان متأكد وببصم بالعشر صوابع بإذن الله مش بإذني ولا بإذنك ..
هاتفرج ع الأخر وكل ما الحلقة هاتضيق أكتر يبقى الفرج جاي قريب ..
والله هاتفرج مهما ضاقت ..
إفتكر كل المرات اللي وصلت فيها للحالة دي
وفقدت الأمل وفــ..لحظة فكت وروشت وبقت زى الفل
ورجعت ضحكتك تاني تملى الدنيا ..
يبقى ليه زعلان ؟
والله العظيم ستي وستك كان عندهم حق لما قالوا
" ماضاقت إلا مافرجت "
هناك تعليقان (2):
معاك حق يا أوسكار
و الله أنا كمان مستبشرة خير
ضاقت فلما استحكمت حلقاتها
فرجت و كنت أظنها لا تفرج
ربنا يديم عليك التفاؤل
ربنا يبارك فيكِ ياهبه..
ويديم عليكِ إنتِ كمان الأمل والتفاؤل
والخير ..
نورتِ يا دكتورة هبه
إرسال تعليق