كلمة أسف بنقولها لما نغلط في حد ..
ومش عيب لما تقول أنا أسف يمكن لما تقولها تخفف عن اللي أدامك ألمه أو جرحه ويمكن تكون سبب لإبتسامة مداريه
ليه دايماً الواحد بيستكبر يقولها رغم إنه مش هاتخسره حاجة ..
يمكن فاكر إنه هايخسر الفلوس اللي في البورصة لما يقولها !!
يمكن لما يقولها يفتكر إن اللي اللي أدامه هايقول عليه ضعيف ..!!
بالعكس .. أنا شايف غير كده ..
في الشارع وإنت ماشي .. ممكن يقابلك الموقف ده .. كالأتي
لو واحد خبط واحد وهو ماشي وماقلش أنا أسف التاني بيقوله مش تفتح .. ياأعمى..
أو ممكن يقوله كلمة غير دي
يمكن لو كان لحق نفسه وقال أنا أسف ماكنش طلعت الكلمة دي
علشان كده كلمة أسف ماتخسركش حاجة .. حتى لو مش غلطان
وأنا دلوقتي مستني ناس تقولها لناس يمكن الناس دي لما تسمعها يتخفف عنها ألامها وجراحها ..
بس أهم حاجة إن الغلط مايتكررش
ياريت يقولها ويفرحني ..قولها وريح نفسك
قولها وريح دماغك
قولها وريحني
قولها أبوس إيدك ....
ليست هناك تعليقات:
إرسال تعليق